Sekta ya Afya na Ustawi wa Jamii inaongozwa na Dr. Omari Nigura Sukari ambaye ndiye Mganga Mkuu wa Wilaya. Afya na Ustawi wa Jamii katika ngazi ya Wilaya ni sehemu ya Idara zinazounda Kamati ya uendeshaji wa Halmashauri 'Council Health Management Team' (CHMT) hutoa afya kiufundi na huduma ya jamii ushauri wa maendeleo ndani ya Wilaya.
Dhamira ni Hospitali, Vituo vya Afya na Zahanati ili ziweze kutoa Huduma bora ya Afya kwa Umma. Sekta ya afya na Ustawi wa kijamii pia ina lengo la kuwezesha utoaji wa afya kinga, tiba, maendeleo ya afya na ustawi wa jamii katika Wilaya.
Wilaya Ngorongoro ina vituo vya afya 7 vinavyotoa huduma ambazo 2 zina hadhi ya hospitali, Vituo vya afya 5 na Zahanati 26. Halmashauri ya Wilaya ya Ngorongoro haina Hospitali ya wilaya na inatumia hospitali ya Wasso kama hospitali teule ya Wilaya kwani inatoa huduma ambayo ni sawa na Hospitali pamoja na idadi ya watu wa kuwahudumia.
Mpango Mkakati
Katika kutekeleza Huduma za Afya ya Msingi Mpango wa Maendeleo ya malengo, Halmashauri imepanga kuwa na zahanati katika kila kijiji na kituo cha afya katika kila kata Hivi sasa nje ya vijiji 72 vijiji 26 ndivyo vinapata huduma hiyo sawa na asilimia (33%) ya vijiji vyote.
Wilaya inaendelea kutoa huduma za Afya (Tiba na Kinga) kwa wananchi wake kupitia vituo vyake na hupokea dawa kutoka bohari kuu ya madawa (MSD) kupitia mfumo wa Ugavi mkuu –Intergrated Logistic system (ILS) kwa ruzuku mbalimbali na fedha za wafadhili.
Shughuli nyingine zinazotekelezwa na Idara ni pamoja na:-
Kuandaa na kupeleka orodha ya mahitaji ya dawa kwa vituo vyote vya kutolea huduma wilayani (ILS) pamoja na dawa za kupunguza makali ya UKIMWI (ARV), TB na vitendanishi Lab. (Reagents) MSD.
Kuratibu na kusimamia zoezi la utoaji dawa za minyoo kwa watoto wote walio na umri wa kwenda shule ya msingi na chekechea kuanzia umri wa miaka 5 hadi 14.
Kusimamia zoezi la ukusanyaji damu salama pindi linapofanyika. Baadhi ya maeneo ambapo zoezi hili linafanyika ni katika shule za sekondari na kwenye taasisi mbalimbali.
Kazi ya utambuzi wa wazee wilayani ilifanyika ambapo wazee.
Usimamizi wa uchaguzi wa viongozi wa mabaraza ya wazee katika ngazi za Kata.
Kufanya ziara ya usimamizi katika vituo vya kulelea watoto wanaoishi katika mazingira hatarishi Wilayani
Uhamasishaji kwa wanakaya kujiunga na mfuko wa afya ya jamii (CHF).
Usambazaji wa dawa za chanjo pamoja na baadhi ya dawa muhimu (essential medicines ) kwa vituo vyote vya kutolea huduma za Afya Wilayani
Kuendesha huduma za Kliniki za mikoba (outreach and mobile clinics) kupitia vituo vya kutolea huduma za afya na ndege.
Uhamasishaji wa wakunga wa jadi juu ya uzazi salama na umuhimu wa kuwapeleka kina mama wajawazito katika vituo vya kutolea huduma wakati wa kujifungua
Kufanya zoezi la mabadiliko ya chanjo ya polio kutoka t OPV kwenda b OPV katika ngazi zote Wilayani.
