Posted on: May 16th, 2024
Mwenyekiti wa Halmashauri ya Wilaya ya Ngorongoro Mheshimiwa Mohammed Bayo ameiongoza Kamati ya Fedha, Uongozi na Mipango ya Halmashauri katika Ziara ya kutembelea na kukagua Miradi ya Maendeleo leo tarehe 16 Mei, 2024, inayoendelea kutekelezwa na Serikali ya Awamu ya Sita chini ya usimamizi wa Uongozi wa Halmashauri.
Kamati imetembelea jumla ya miradi mitatu ikiwemo ujenzi wa Vyumba vya Madarasa mawili na matundu ya Vyoo nane katika Shule ya Sekondari Arash, Kituo cha Afya Arash na Zahanati ya Ormanie.
Aidha, Kamati imetoa ushauri wa kuongeza kasi ya shughuli ya ujenzi na kutoa rai kwa Kaimu Mganga Mkuu wa Wilaya kuhakikisha Kituo cha Afya cha Arash kinaanza kufanya kazi kabla ya tarehe 20 Mei, kwani miundombinu yote ya muhimu imeshakamilika na kutoa ahadi ya kurejea tena katika Kituo hicho tarehe 25 Mei, 2024 ili kuona namna huduma zinavyotolewa.
Ziara hiyo imeanza tarehe 15 Mei, 2024 na kutarajia kumalizika siku ya tarehe 17 Mei huku ikijumuisha timu ya Wataalamu kutoka Halmashauri iliyoongozwa na Mkurugenzi Mtendaji wa Halmashauri ya Wilaya ya Ngorongoro Bw. Murtallah Sadiki Mbillu.
