Na. Gabriel Mpeho
Kamati ya Siasa ya Chama Cha Mapinduzi (CCM) Wilaya ya Ngorongoro imeanza ziara yake ya Ukaguzi wa utekelezaji wa miradi ya maendeleo inayotekelezwa kupitia fedha za mapato ya ndani ya Halmashauri pamoja na fedha zinazotolewa na Serikali kuu.
Ziara hiyo ilianza leo ikiongozwa na Katibu wa CCM Wilaya ya Ngorongoro Ndg. Abubakar Ghati leo tarehe 26 Octoba, 2023 akiwa na Wajumbe wa Kamati ya Siasa wameanza na Ukaguzi wa Miradi mbalimbali ikiwa ni pamoja na Ukaguzi wa Maendeleo ya Ujenzi wa Kituo cha Afya Samunge,Chuo cha VETA Samunge,Ujenzi wa Sekondari ya Rera,Oldonyosambu na Jema na Kituo cha Afya Sale
Aidha, katika ziara hiyo wameambatana na Viongozi wa serikali akiwemo Mkuu wa Wilaya ya Ngorongoro Mhe. Raymond Mwangwala ambaye pia ni Mjumbe wa Kamati ya Siasa, Mwenyekiti wa Halmashauri ya Wilaya ya Ngorongoro Mhe.Mohamed Bayo Mkurugenzi Mtendaji wa Halmashauri ya Wilaya ya Ngorongoro Ndg. Nassoro Shemzigwa, Mwenyekiti wa UVCCM Wilaya ya Ngorongoro pamoja na Wakuu wa Divisheni na Vitengo wa Halmashauri ya Wilaya ya Ngorongoro
