Posted on: October 10th, 2023
Mkuu wa wilaya ya Ngorongoro Mhe. Mw Raymond Stephen Mwangwala amesema serikali itaendelea kushirikiana na Sekta binafsi kutekeleza sera kanuni na miongozo ya kuwaletea wananchi.
Mwangwala amesema hayo leo Oktoba 10 mwaka huu wakati akifungua kikao kazi cha wataalam na viongozi kutoka sekta za uchumi na uzalishaji mali yani kilimo,mifugo,uvuvi,maliasili,mazingira,utalii,wanyama pori na ushirika kutoka halmashauri zote za Mkoa wa Arusha kilichofanyika wilayani Ngorongoro.
Pia kikao hicho kilihudhuriwa na wataalam kutoka Taasisi na Mashirika ya Umma, mashirika yasiyo ya kiserikali NGO's.
"Rai yangu kwenu wataalam wa sekta hizi hakikisheni mnaweka mipango kazi ambayo itapima utendaji kazi wenu katika kutoa huduma bora kwa wananchi kwa kuongeza ubunifu, uadilifu, uzalendo, ushirikiano kupunguza uhasama wa kisekta".
Katibu Tawala Msaidizi uchumi na uzalishaji mali mkoa wa Arusha Bw.Chikuturo amesema uongozi wa mkoa wa Arusha uko tayari kutoa ushirikiano kwa wadau ili kuinua utekelezaji wa sera,miongozo na kanuni Kwa lengo la kuongeza tija kwa wananchi katika sekta katika Sekta hizo.
"Kikao kazi hiki lengo lake ni kubadilishana uzoefu, kubainisha changamo na kuweka mikakati ya pamoja kati ya sekta za umma na binafsi Ili kutoa huduma bora kwa wananchi".
Kwa upande wake Mkurugenzi Mtendaji wa Halmashauri ya wilaya ya Ngorongoro Nasoro Shemzigwa amewataka wataalam hao kutafsiri sera na kanuni mbalimbali za kitaifa na kushusha utekelezaji wake katika ngazi ya chini ya jamii
