Posted on: February 17th, 2024
Mkutano wa Baraza la Halmashauri Wilayani Ngorongoro kwa kipindi cha robo ya pili umefanyika leo tarehe 16 Februari, 2024 katika Ukumbi wa Mkutano wa Halmashauri, kujadili na kupitisha agenda mbalimbali za kimaendeleo katika Wilaya ya Ngorongoro
Aidha Mwenyekiti wa Halmashauri ya Wilaya ya Ngorongoro Mh. Mohamed Bayo amewapongeza Waheshimiwa Madiwani, Wataalamu pamoja na watendaji Kwa kupitisha rasimu ya Mpango na Bajeti ya Halmashauri ya mwaka 2024-2025. Pia Mh. Bayo amewasilisha Hali ya makusanyo ya mapato ya ndani ya Halmashauri Kwa kipindi cha Julai 2023 hadi Disemba 2023.
"Makusanyo ya ndani ya Halmashauri Kwa kipindi cha Julai hadi Disemba 2023, Halmashauri ya Wilaya ya Ngorongoro imefanikiwa kukusanya mapato kutoka vyanzo mbalimbali jumla ya TSH.1,437,675,754 sawa na asilimia 46 ya makisio ya fedha Kwa mwaka 2023-2024" amesema Mh. Bayo.
Hata hivyo Mwenyekiti wa Halmashauri amewapongeza na kuwashauri wataalamu wa ukusanyaji wa mapato kutobweteka na mafanikio hayo badala yake kuongeza ufanisi ili kizuia mianya yote ya upotevu wa fedha wakati wa ukusanyaji wa mapato Kwa lengo la kufikia ukusanyaji mzuri ili kufikisha huduma stahiki Kwa jamii
Aidha mwenyekiti amewapongeza Waheahimiwa Madiwani pamoja na wataalamu mbalimbali katika Wilaya ya Ngorongoro kwani Kasi ya utekelezaji wa miradi mbalimbali ya maendeleo imeongezeka kwa kiwango kikubwa
Pia Mh. Bayo amempongeza na kumshukuru Rais wa Jamuhuri ya Muungano wa Tanzania Dk.Samia Suluhu Hassan Kwa kutoa fedha zote za miradi mbalimbali ya maendeleo ndani ya Wilaya ya Ngorongoro.
"Nipende kutoa pongezi zangu za dhati Kwa Rais wa Jamuhuri ya Muungano wa Tanzania Dk. Samia Suluhu Hassan kwa kutupatia fedha za utekelezaji wa miradi mbalimbali ya maendeleo katika Wilaya yetu Tunashukukuru sana mama" amesema Mh. Mohammed Bayo.
Mh. Bayo ameungana na Wajumbe wa kikao hicho kwa kumpongeza Mkurugenzi Mtendaji wa Halmashauri ya Wilaya ya Ngorongoro Bw. Nassoro Shemzigwa kwa kuhamishia Ofisi zote za Wataalamu katika Ofisi za Jengo jipya la Halmashauri.
Wakati wa Mkutano huo wa Baraza la Halmashauri Divisheni ya Elimu Msingi chini ya Madam Mwanamina Muro na Divisheni ya Elimu Sekondari chini Mwl. Emmanuel Sukumus wametoa zawadi ya fedha na Vyeti kwa Shule zote zilizofanya vizuri katika ufaulu ya mitihani ya taifa kwa mwaka 2023
Zoezi la ugawaji wa zawadi hizo limesimamiwa na Mwenyekiti wa Kamati ya Elimu, Afya na Huduma za kijamii Mhe. Shutuk Kitamwas pamoja Mwenyekiti wa Halmashauri Mhe. Bayo
Ikumbukwe kuwa jitihada zote za miradi ya maendeleo na maboresho Wilaya ya Ngorongoro inafanyika kutekeleza Ilani ya Chama cha Mapinduzi(CCM) ya mwaka 2020/2025 chini ya Dk.Samia Suluhu Hassan ambapo katika Mkutano huo chama kiliwakilishwa na Katibu wa CCM Wilaya Ndg. Abubakar Ghati.
