Posted on: February 20th, 2018
Mwenyekiti wa chama cha mapinduzi (CCM) mkoa wa Arusha Bwana ERASTO SANARE akiongea na wakuu wa idara katika ukumbi wa halmashauri ya wilaya ya Ngorongoro tarehe 19.02.2018 aliwataka wakuu wa idara na vitengo waache kujihusisha na siasa badala yake wao na watumishi walio chini yao wafanye kazi huku wakijua wanatekeleza ilani ya CCM.
Hayo yalijiri wakati akihitimisha ziara yake katika wilaya ya Ngorongoro aliyoifanya kwa muda wa siku nne.
Katika ziara hiyo madiwani wanne wa Chama cha Demokrasia na Maendeleo (CHADEMA) wamejiuzulu nafasi zao na kujiunga na Chama cha Mapinduzi (CCM). Madiwani hao ni; Lazaro S. Saitoti (Ngoile), Daniel A. Orkery (Ngorongoro), Sokoine Moir (Alaitole), na Boniface M. Kanjwel (Soitsambu).
Mwenyekikti wa CCM mkoa aliambatana na viongozi wengine wa siasa akiwemo mheshimiwa mbunge wa jimbo la Ngorongoro na Naibu Waziri wa Elimu Sayansi na Teknolojia Mh. Wiliam Tate Ole Nasha, Mkuu wa Wilaya ndugu Mfaume Rashidi Taka, Mwenyekiti wa CCM Wilaya na wajumbe wengine wa kamati ya siasa ya wilaya.
