Posted on: December 20th, 2023
Shirika la Shujaa wa Maendeleo na Ustawi wa Jamii Tanzania, likiwakilishwa na Joyce Bannney Mwenyekiti Habari wa SMAUJATA Ngorongoro leo tarehe 20 Disemba 2023 limetoa zawadi ya Cheti kwa Mkurugenzi Mtendaji wa Halmashauri ya Wilaya ya Ngorongoro Bw. Nassoro Shemzigwa
Aidha Bi. Joyce Banney amesema lengo ni kuishukuru Halmashauri kwa ushirikiano inaoutoa katika harakati za kupinga ukatili wa kijinsia ndani Wilaya ya Ngorongoro ili kuwa na Jamii iliyo sawa na salama.
Makabidhiano hayo yamefanyika katika Ofisi ya Mkurugenzi wa Halmashauri ya Wilaya ya Ngorongoro mbele ya Afisa maendeleo ya Jamii Wilaya Bi. Flora Hindi pamoja na mwakilishi mwingine kutoka SMAUJATA Bi. Apasiana ambaye ni Mwenyekiti wa Shirika hilo Wilaya ya Ngorongoro
Hata hivyo Shirika la SMAUJATA limejikita katika shughuli za kuibua kesi za ukatili, kupinga na kutokomeza unyanyasaji na Ukatili wa kijinsia dhidi ya Wanawake, Watoto na Makundi maalum,
SMAUJATA linafanya kazi Tanzania nzima kwa kushirikiana na Serikali ya awamu ya sita chini ya Rais wa Jamhuri ya Muungano wa Tanzania Dkt. Samia Suluhu Hassan
