Posted on: August 15th, 2023
VIONGOZI WA MKOA WA ARUSHA WAENDELEA KUPATA MAFUNZO.
Mkuu wa Mkoa wa Arusha John Mongella akichangia mada inayohusu Uongozi Binafsi na Akili Hisia katika Mafunzo kazi kwa Viongozi wa Mkoa Arusha yanayofanyika katika Hotel ya The Retreat At Ngorongoro iliyopo Wilayani Karatu.
Mafunzo hayo ya siku nne yenye lengo la kuwajengea uwezo wa kiutendaji Viongozi wa Mkoa wa Arusha akiwemo Mkuu wa Mkoa,Katibu Tawala Mkoa,Wakuu wa Wilaya,Wakuu wa Seksheni na Vitengo toka Sekretariati ya Mkoa,Makatibu Tawala Wilaya,Meya wa Jiji la Arusha,Wenyeviti wa Halmashauri, Mkurugenzi wa Jiji na Wakurugenzi wa Halmashauri,Wakuu wa Taasisi za Umma Mkoa wa Arusha pamoja Wakuu wa Seksheni na Vitengo toka Halmashauri yalifunguliwa jana tarehe 13/08/2023 na Waziri wa Nchi Ofisi ya Rais-TAMISEMI Anjella Kairuki.
Aidha katika Mada hiyo Viongozi washiriki wamepata fursa ya kujifunza na kutafakari namna ya kukabiliana na changamoto za msongo wa mawazo mahali pa kazi,namna ya kutumia rasilimali watu waliopo ili kuweza kuleta matokea chanya ya kiutendaji na pia namna ya kufanya kazi kwa malengo kitimu kwa ajili ya kuwaletea Wananchi maendeleo.
Mada hiyo ya Uongozi Binafsi na Akili Hisia imetolewa na Bi.Zuhura Muro mkufunzi kutoka Uongozi Institute pamoja na Dkt.Garvin Kweka toka Hospitali ya Taifa ya Muhimbili.
